सोमबार ६ बैशाख, २०७८ (Monday April 19, 2021)

कोभिडविरुद्धको खोप दिने प्राथमिकता समूह फेरि परिर्वतन

शुक्रबार २१ फाल्गुन, २०७७ फिल्म ~ शाला टिभी 1186


कोभिडविरुद्धको खोप दिने प्राथमिकता समूह फेरि परिर्वतन

फागुन २१, काठमाडौं । आगामी फागुन २३ गतेदेखि शुरु गर्न लागेको कोभिडविरुद्ध खोपको दोस्रो चरणको अभियानमा पहिलो प्राथमिकतामा ६५ वर्ष माथिकालाई राखेको छ ।

सम्झौता अनुसारको खोप तोकिएको समयमा नआएपछि यसअघि ५५ वर्ष माथिकालाई दिइने भनेर गरिएको निर्णयलाई संसोधन गरी ६५ वर्ष पु¥याइएको हो । 

दुई साताभित्र सरकारले २० लाख डोज कोभिसिल्ड ल्याइपु¥याउने गरी सिरम इन्स्टिच्युट अफ इन्डियालाई अग्रिम भुक्तानी गरेको थियो । सम्झौताअनुसार सिरमले १० लाख डोज पठाए पनि दोस्रो डोज समयमै पठाउन नसकेको स्वास्थ्य सेवा विभागका महानिर्देशक डा. दीपेन्द्ररमण सिंहले बताए । त्यसैले खोपको उपलव्धता अनुसार पहिलो दोस्रो चरणको पहिलो प्राथमिकतामा ६५ वर्ष माथिकाहरुलाई राखिएको हो ।

सिंहले ८–१० दिनमा यो उमेर समूहकाले खोप पाइसक्दा अरु थप खोप पनि आइसक्ने भएकाले सोहीअनुसार योजना परिवर्तन गरिएको बताए । महानिर्देशक सिंहले भने, ‘सिरमले सम्झौताअनुसार बुधबारसम्म थप १० लाख डोज पठाउनै पर्ने थियो । तर पठाउन सकेन । अब आउँदो आइतबारसम्म पठाउँछु भनेर आश्वासन दिएको छ ।’ 

त्यसैगरी स्वास्थ्य मन्त्रालयमा बिहीबार बसेको मन्त्री, सचिव, प्रमुख विशेषज्ञ, विज्ञहरु सम्मिलित बैठकले हिमाली जिल्ला र हिमाली भेगमा भने २३ फागुनदेखि नै ५५ वर्ष माथिकालाई खोप दिने निर्णय गरेको छ ।

शिक्षक, प्राध्यापक तथा सवारी चालकहरुलाई पनि ६५ वर्ष माथिको उमेर समूहले खोप पाइसकेपछि मात्रै खोप दिने योजना बनाइएको महानिर्देशक डा सिंहले बताए । 
 




यसमा तपाइको मत


सम्बन्धित शीर्षकहरु