कोरोनाबारे गुनासो सुन्‍न भरतपुर अस्पतालमा हटलाइन सेवा

जेठ २, चितवन । कोरोना कहरलाई मध्यनजर गरी बिरामी र आफन्तको सुविधालाई ध्यानमा राखी भरतपुर अस्पतालले ‘कोभिड-१९ हेल्थ डेस्क’ सञ्चालनमा ल्याइएको अस्पताल विकास समितिका अध्यक्ष डा. भोजराज अधिकारीले बताएका छन् ।

कोरोना सङ्क्रमितका लागि शय्या, अक्सिजन, बिरामीले होमआइसोलेशनमा रहँदा कुनै स्वास्थ्य समस्या देखिएमा वा अन्य कुनै पनि जिज्ञासा भए सिधै फोनबाट चिकित्सकसँग परामर्श लिन सक्ने बारे उनले बताएका छन् । त्यसका लागि ०५६-५९६०९० मा सम्पर्क गर्न सकिने उनले बताए । 

बिहान७ देखि दिउँसो १ बजेसम्म एक सिफ्ट्, दिउँसो १ देखि साँझ ७ बजेसम्म अर्को र रातिको समयमा गरी तीन सिफ्ट्मा २४सै घण्टा सेवा सञ्चालनमा गरिएको छ । डेस्कका लागि १० चिकित्सक तथा छ पारामेडिक्सलाई जिम्मेवारी तोकिएको छ । 

आकस्मिककक्षसँगै रहेको ‘कोभिड-१९ हेल्थ डेस्क’मार्फत अस्पतालमा आएका बिरामीले समेत कोरोनासँग सम्बन्धित सम्पूणर् जानकारी लिन सक्नेछन् ।

सङ्क्रमितलाई शय्या बुझ्न, सामान्य जिज्ञासा तथा समस्याका लागि अस्पताल आइराख्नुपर्ने समस्या केही मात्रामा समाधान हुने अस्पतालका निमित्त मेडिकल सुपरिटेन्डेन्ट डा जगन्नाथ तिवारीले बताए ।