मंगलवार ६ माघ, २०७७ (Tuesday January 19, 2021)

चिनियाँ रक्षामन्त्री वेइ फेङ्हे काठमाडौं आइपुगे  

आईतवार १४ मंसिर, २०७७ फिल्म ~ शाला टिभी 1193


चिनियाँ रक्षामन्त्री वेइ फेङ्हे काठमाडौं आइपुगे  

मंसिर १४, काठमाडौं । केहीबेरअघि चिनियाँ रक्षामन्त्री वेइ फेङ्हे त्रिभुवन अन्तर्राष्ट्रिय विमानस्थलमा अवतरण गरेका छन् ।

उनी केही घण्टाका लागि मात्र भनेर काठमाडौं आएका हुन् । उनले नेपालमा उच्चस्तरीय राजनीतिक भेटवार्ता गर्नेछन् । त्यस लगत्तै उनी आजै काठमाडौंबाट फिर्ता हुनेछन् ।

विमानस्थलबाट सीधै बालुटारस्थित चिनियाँ दूतावासमा जाने र केहीबेर आराम गरेपछि उनी औपचारिक भेटवार्ताका लागि निस्किने छन् ।

उनको सबैभन्दा पहिले प्रधानसेनापति पूर्णचन्द्र थापासँग भेट्ने कार्यक्रम छ । दिउँसो दुई बजे उनी जंगीअड्डा पुग्ने छन् ।

जंगीअड्डापछि उनी प्रधानमन्त्री केपी शर्मा ओलीलाई भेट्न प्रधानमन्त्री निवास बालुवाटार पुग्ने छन् । बालुवाटारपछि उनी राष्ट्रपति विद्यादेवी भण्डारीलाई भेट्न शितल निवास जाने छन् ।

राष्ट्रपतिसँगको भेटवार्तापछि उनी सीधै त्रिभुवन अन्तर्राष्ट्रिय विमानस्थल प्रस्थान गर्ने कार्यक्रम छ ।
 




यसमा तपाइको मत


सम्बन्धित शीर्षकहरु