एसईईको परीक्षा जेठमा हुने तयारी

पुष १५, काठमाडौं । यो वर्ष राष्ट्रिय परीक्षा बोर्डले माध्यमिक शिक्षा परीक्षा (एसईई) २०७८ जेठमा सञ्चालन गर्ने तयारी गरेको बोर्डका अध्यक्ष प्रा.डा. चन्द्रमणि पौडेलले बताए । 

गत वर्ष झैं अवस्था दोहोरिन नदिन समयमै तयारी तीव्र बनाउनु पर्ने अध्यक्ष पौडेल बताउँछन् ।

बोर्डले एसईई २०७७ मा सहभागी हुनका लागि आवेदन आह्वान गरेको छ । परीक्षामा सहभागी हुन चाहने विद्यार्थीले १६ पुसदेखि २१ माघसम्ममा फाराम भर्नुपर्ने पौडेलले जानकारी दिए । रजिस्ट्रेसन शुल्क प्रतिविद्यार्थी ३०० रुपैयाँ निर्धारण गरिएको छ । 

सम्बन्धित विद्यालयले आफ्ना विद्यार्थीको नामथर, जन्ममिति, आमाबाबुको नाम रुजू गरेर माघभित्र रजिस्ट्रेशन शूल्क सहित शिक्षा विकास तथा समन्वय इकाईमा बुझाउनु पर्नेछ ।